మహేష్ 23 మూవీ ఫస్ట్ లుక్ శ్రీరామనవమికి రానుందా ? || Is mahesh 23 movie first look out by Sri rama navami? AR Murugadas Mahesh babu rakul preet singh

సూపర్ స్టార్ మహేష్ బాబు 23 మూవీ మొదలయినప్పటినుంచి చిత్ర బృందం ఓ సస్పెన్స్ ని కొనసాగిస్తోంది. చిత్రం జూన్ 23 న విడుదలవుతుందని ఒక్క విషయం తప్ప.. దర్శక నిర్మాతలు ఏది అధికారికంగా చెప్పడం లేదు. ఈ మూవీ ఫస్ట్ లుక్ ఉగాదికి వస్తుందని ప్రిన్స్ చెప్పినా.. అభిమానులకు నిరాశే ఎదురయింది. అందుకు ఫ్యాన్స్ కి  మహేష్ క్షమాపణలు కూడా చెప్పారు. అయితే ఇంకా ఆలస్యం చేస్తే బాగుండదని భావించిన డైరక్టర్ మురుగదాస్ ఫస్ట్ లుక్ ని శ్రీరామనవమికి రిలీజ్ చేయాలనీ భావిస్తున్నట్లు సమాచారం.

ప్రస్తుతం మురుగదాస్ బృందం వియాత్నం లో ఉంది. అక్కడ మహేష్, ఎస్.జె. సూర్య,, కొంతమంది ఫైటర్లపై భారీ యాక్షన్ సీన్ చిత్రీకరిస్తున్నారు. ఈ షూటింగ్ ఏప్రిల్ 2 వరకు కొనసాగుతుంది.  అక్కడ షెడ్యూల్ పూర్తి చేసుకొని చెన్నైకి ఏప్రిల్ 3 నతిరిగి రానున్నారు.  అదే రోజు సాయంత్రం ఫస్ట్ లుక్ రిలీజ్ చేయనున్నట్లు తెలిసింది. ఇందులో ఎంతవరకు నిజముందో మరో మూడు రోజుల్లో తెలియనుంది.