ఇండియన్ ఐడల్ సీజన్-9 విజేత రేవంత్ || Indian Idol new boy from telugu states Revanth is the new 2017 Indian Idol

ముంబై: సోనీ టీవీలో ప్రసారం అవుతున్న ఇండియన్ ఐడల్ సీజన్-9 టైటిల్ తెలుగు సింగర్ ఎల్‌వీ రేవంత్ (25) దక్కించుకున్నాడు. ఆదివారం జరిగిన ఫైనల్ పోరులో పీవీఎన్ఎస్ రోహిత్, ఖుదా భక్ష్‌లతో పోటీ పడ్డ రేవంత్ తనదైన టాలెంట్ ప్రదర్శించి వితేజగా అవతరించాడు. ఇండియన్ ఐడల్ 9 ట్రోఫీతో పాటు రూ. 25 లక్షల నగదు బహుమతి రేవంత్ అందుకున్నాడు. ఇండియన్ ఐడల్ విన్నర్ కావడంతో యూనివర్సల్ మ్యూజిక్‌ కంపెనీ రేవంత్ తో ఒప్పందం కుదుర్చుకుంది.

రేవంత్ మాట్లాడుతూ విజేతగా నిలిచినందుకు ఆనందంగా ఉందని, ఈ షో తన లైఫ్ మారిపోయిందని, ఇప్పుడే నా జీవితం మొదలైందని రేవంత్ తెలిపారు. బాలీవుడ్లోనే సెటిలవుతానని రేవంత్ ఈ సందర్భంగా స్పష్టం చేసారు.
ఇతడు బాహుబలి సింగరే... తెలుగుతోపాటు దక్షిణాది భాషల్లో దాదాపు 200 పాటలు పాడిన రేవంత్‌... బాహుబలి సినిమా ‘మనోహరి..' పాట ప్రత్యేక గుర్తింపు తెచ్చింది. ఇండియన్ ఐడల్-5 విజేత శ్రీరామ చంద్ర తర్వాత రేవంత్ మళ్లీ తెలుగు గడ్డ నుండి విజేతగా అవతరించాడు.